రామేశ్వరం వెళ్ళినా శనీశ్వరం వదలలేదన్నట్లు.. వరద బాధితులను రక్షించడానికి వెళ్లిన రాష్ట్ర నేతలు డెహ్రడూన్లో కూడా కొట్టుకున్నారు. రాష్ట్ర పరువును గంగలో కలిపారు. తెలుగువారిని స్వస్థలాలకు తరలించేందుకు ప్రభుత్వ విమానంతోపాటు తెలుగుదేశం పార్టీ కూడా ఓ విమానాన్ని ఏర్పాటుచేసింది.
అయితే తెలుగుదేశం ఏర్పాటు చేసిన విమానం ఎక్కుతున్న బాధితులను కాంగ్రెస్ పార్టీవాళ్లు అడ్డుకొని ప్రభుత్వ విమానం ఎక్కించారని తెదేపా సభ్యులు అడగడంతో వివాదం మొదలైంది.
కాంగ్రెస్ సీనియర్ నేత వి.హనుమంతరావు, తెలుగుదేశం నాయకుడు రమేష్ రాథోడ్ ఈ ఘటనలో ఒకర్నొకరు తోసుకోవడంతో పోలీసులు అడ్డుకున్నారు. ఒకరిపై ఒకరు దాడులు చేసుకోవడమే కాకుండా పరుషపదజాలంతో దూషించుకోవడంతో బాధితులంతా అలానే చూస్తుండిపోయారు.
చార్ ధామ్ యాత్రలో అష్టకష్టాలు పడి డెహ్రాడూన్ వస్తే.. ఈ రాజకీయ నేతల తలనొప్పి ఏంటిరా బాబూ అంటూ తలపట్టుకుంటున్నారు.
Tags: News, Telugu News, Andhra News
0 comments